Zainab meri bachi ka rakhna khayal

Ye Sakina jo hay mere dil ka sukoon

Baad mere bahaye aankhon se khoon

Khaak par soyegi is qadar royegi

Mil na payegi ab hum se mar kar kabhi

Kamsini bekasi aur ye tashnagi

Aur uspar aziyat tamachon ki bhi

Seh na payegi ye gham uthayegi ye

Humse maqtal main milne ko aayegi ye

Khoon tapkega kano se bhi is qadar

Hoga daman meri shahzadi ka tar

Zakhm dil main liye ashk kab tak piye

Ay behan ay behan tum khuda kay liye

Apne pehlu main shab ko sulana isay

Khud na jaage to tum na jagana isay

Hai meri ilteja mai to marne chala

Bandhne dena na rassi main iska gala

Baad e Abbas pani ye maange agar

Apne seene se lipta kay tum iska sar

Ay behan nohagar kar kay aanchal ko tar

Rakhna pyasi Sakina kay rukhsaar par

Pa barehna safar ki ye aadi nahi

Shaam ki raah main hogi jalti zameen

Jab ye paidal chale paon jalne lagay

Apni godi main le kar lagana galay

Shimr nazdeek na aaye iskay kabhi

Ussay darti bahot hay meri laadli

Wo hay itna shaqi kam hay haiwan bhi

Zulm dhaye na wo dekho is par kabhi

Isko maange kaneezi main koi agar

Taigh khutbon ki darbar main khainch kar

Hona seena sitam ghaiz ki ho nazar

Girna kehr e khuda ban kay darbar par

Gham se rehan hota hay tukray jigar

Ay raza guzri kya hogi Abbas par

Haye zindan main gham kay tufaan main

Aayi hogi sada Sheh ki jab kaan main