Ay wali e arz o samaa

Ya Imam e Raza ya Imam e Raza

Ya Raza ya Raza mola ya ghareeb ul ghurba

Ya Raza ya Raza mola ya ghareeb ul ghurba

Hai ab bhi baarhwaan mola ghurbat pe teri ro raha

Ya Raza ya Raza mola ya ghareeb ul ghurba

Tere jigar kay tukray katt katt kay jab giray

Turbat ko chhor kar chaleen mashhad ki simt Fatima

Teri judayi bhi yun behnon pe chha gayi

Akbar kay gham ne Sughra ko jaisay zaeef kar diya

Hasrat jo le kay aayi thi tujhse milne ki

Arman us behan ko bhi mola nahi tu mil saka

Guzri hai zindagani tanhayi mein teri

Aur qabr ka watan se hai sab se zyada faasla

Mashhad mein teri turbat yasrab se dur hai

Taboot toos mein tera sab se akela hai para

Basta rahay tumhara khurasan har ghari

Faryad sun gareebon ki hum ko hai tera aasra

Noha kuna hai zair sara hi ye jahan

Mola Raza ka matam jo arz o samaa mein hai bapa