Haye Abbas haye Abbas  

Haye haye Abbas  

Wo haath katt gaye   

Ghurbat mein the jo Shah ki behnon ka aasra

Wo haath katt gaye   

Pehra sadaa jo dete the Zehra ki aal ka  

Wo haath katt gaye    

Khushiyan manao Shaam ke lashkar mein shor tha  

Ab humko koi rokne wala nhi bacha  

Lo hogaya Hussain ki ghurbat ka faisla   

Wo haath katt gaye          

Hanste the Shami dekh ke aansu Hussain ke

Haye shikasta hogaye baazu Hussain ke   

Tooti kamar jo Shah ki lashkar samajh gaya   

Wo haath katt gaye          

Maidaan mein Hussain ko jinki talaash hai   

Haye do haath hain ya Sheh ke bharay ghr ki lash hai   

Is ghar ke parde daro'n ne samjha tmhen rida   

Wo haath katt gaye    

Rukh kar ke ye Madina ka Abbas ne kaha   

Haye amma maaf karna mein majboor hogaya  

Ab tak rahay Imam ke qadmo'n pe jo sada  

Wo haath katt gaye

Akbar tarap rahay hain mera dil hai beqarar   

Haye ro ro ke Shah kehte the Zainab se bar bar

Lasha utha ke latay jo kariyal jawan ka   

Wo haath katt gaye      

Hai teer aankh mein meri rasta btaeye   

Ghazi pukara mashk e Sakina bachaeye

Baba Najaf se aeye imdad ko zara   

Wo haath katt gaye      

Hasrat se dekhti hai Sakina su e furat  

Wo hath bhi tarapte hain lashe ke sath sath   

Jo haath rok sakte the shimr laeen ka   

Wo haath katt gaye

Qasid ki bat par tou Takallum yaqeen na tha   

Dekhe jo neel hathon pe Zainab ke ja ba ja  

Akhir yaqeen madar e Ghazi ko agaya   

Wo haath katt gaye