Utho baba main Zainab hoon ye Bibi ki sada hogi  

Mere Mola Ali ko jis ghari aayi qaza hogi  

Nahi kyun boltay baba bulati hai tumhein Zainab

Kay saray dard ghurbat kay sunati hai tumhein Zainab

Tumhare baad sar pe ab yateemi ki rida hogi  

Abhi to maa ke sadme se na bachon ko sukoon aaya  

Kay teri maut ne phir se hamare dil ko tarpaya  

Yun lagta hai kay ab hum pe sitam ki inteha hogi  

Ali ki laash pe Kulsoom ye ro ro kay farmaye  

Kya us beti ka jeena hai kay jiska baap mar jaye 

Ye sunkar bain dukhtar ka tarapti Syeda hongi  

Baroz e eid kalma go bohat khushiyan manayenge  

Tumhare gham mein hum baba magar aansu bahayenge  

Batao eid kya baba yateemon ki bhala hogi  

Rida sar pe nahi hogi sharabi humsafar honge 

Sina ki nok pe baba tumhare sab pisr honge  

Jahan bhi jayegi Zainab wahan pe karbala hogi  

Kabhi Aal e Muhammad kay nahi gham ko bhula sakte  

Hai jab tak dard seenon mein nahin eidein mana sakte  

Baroz e eid bhi mohsin hamare ghar azaa hogi