Shimr Khanjar Na Chala
ہائے حسین ہائے حسین
شمر نے گردنِ مظلوم پہ خنجر جو رکھا
کچھ قدم دور سے دیتی رہی زینب یہ صدا
آخری بار بہن چوم لے بھائی کا گلا
شمر خنجر نہ چلا
تیر جی بھر کے اِسے مار چکا ہے لشکر
برچھیاں پہلو میں ٹوٹی ہیں ستم اور نہ کر
خود ہی آ جائے گی کچھ دیر میں بھائی کو قضا
شمر خنجر نہ چلا
مِنّتیں کرتی ہوں ظالم تیری ایسا تو نہ کر
عصر کے وقت میرے گھر میں اندھیرا تو نہ کر
شام سے پہلے بُجھاتا ہے چراغِ زہرہ
شمر خنجر نہ چلا
سُن کے حل مِن کی صدا آئی ہے رن میں بچی
چل نہ جائے کہیں دونوں پہ لعین تیری چھری
دیکھ بھائی کے گلے پر ہے سکینہ کا گلا
شمر خنجر نہ چلا
دیکھ سکتا نہیں تو جو نظر آتا ہے مجھے
واسطہ دیتی ہوں تطہیر کی آیت کا تجھے
ہاتھ اماں نے ہے بےشیر کی گردن پہ رکھا
شمر خنجر نہ چلا
کاٹ کر سجدے میں اکبر شہہِ والا کا گلا
شمر ہنستا ہوا شبیر کے سینے سے اٹھا
گونجتی رہ گئی مقتل میں یہ زینب کی صدا
شمر خنجر نہ چلا
Haye Hussain Haye Hussain
Shimr ne gardan e mazloom pe khanjar jo rakha
Kuch qadam dur say deti rahi Zainab ye sada
Aakhri baar bahen choom le bhai ka gala
Shimr khanjar na chala
Teer jee bhar kay isay maar chuka hay lashkar
Barchhiyan pehlu me tooti hain sitam aur na kar
Khud hi aa jayegi kuch der mein bhai ko qaza
Shimr khanjar na chala
Minnaten karti hun zalim teri aisa tou na kar
Asr kay waqt mere ghar me andhera tou na kar
Shaam se pehle bujhaata hai charagh e Zahra
Shimr khanjar na chala
Sun ke halmin ki sada aayi hai rann me bachchi
Chal na jaaye kahin donon pe layeen teri chhuri
Dekh bhai ke galay par hai Sakina ka gala
Shimr khanjar na chala
Dekh sakta nahi tu jo nazar aata hai mujhay
Wasta deti hun Tatheer ki aayat ka tujhay
Haath amma ne hai Shabbir ki gardan pe rakha
Shimr khanjar na chala
Kaat kar sajde mein akbar Shah e wala ka gala
Shimr hansta hua Shabbir ke seene se utha
Goonjti reh gayi maqtal mein ye Zainab ki sada
Shimr khanjar na chala