Rula rula kay tujhy qatal kar diya Baba
ہائے مظلوم سکینہ
ہائے مظلوم حسین
ہاۓ بابا مظلوم بابا
رُلا رُلا کے تجھے قتل کردیا بابا
تیری سکینہ کو یہ درد کھا گیا بابا
تمہاری بیٹی کو آتا نہیں کچھ اور نظر
میری نگاہ میں پھرتا ہے اب یہی منظر
تمہاری زلفوں میں ظالم کا ہاتھ تھا بابا
میں کسطرح سے بتاؤں وہ وقت کیسا تھا
ستم یہ باپ پہ بیٹی پہ ایک جیسا تھا
تیری طرح سے طمانچہ مجھے لگا بابا
جِسے پہن کے کہا تھا یہ آپ نے مجھ سے
سکینہ یہ میری ماں نے سِیا تھا میرے لئے
تیرے بدن پہ وہ کُرتا نہیں ملا بابا
اکیلی میں نہیں دادی بھی ساتھ ہیں میرے
یہ زخمی تیری محبت میں ہاتھ ہیں میرے
میں روکتی رہی خنجر نہیں رُکا بابا
جگہ نشیب میں دے دو میری یتیمی کو
چھپا لو ڈھیر میں ان پتھروں کے بیٹی کو
سکینہ بھول گئی گھر کا راستہ بابا
میری غریبی پہ کرتا نہیں ہے کوئی نظر
تمہیں تو مارا ہے بابا رُلا رُلا کے مگر
مجھے تو رونے پہ بھی ملتی ہے سزا بابا
ہے قتل گاہ سکینہ کی شام تک کا سفر
تمہیں لگے گا چلایا ہے شمر نے خنجر
گلے پہ دیکھو نشانِ رسن ذرا بابا
کمر جھکی ہوئی آنکھوں میں کم بصارت تھی
جواں کے لاشے پہ جیسی تمہاری حالت تھی
تمہارے لاشے پہ وہ میرا حال تھا بابا
وہ قبر میں تو تکلمؔ ہے اک زمانے سے
مگر صدائیں یہ آتی ہیں قید خانے سے
میرا رسن میں گلا ہے بندھا ہوا بابا
Haye mazloom Sakina
Haye mazloom Hussain
Haye Baba mazloom baba
Rula rula kay tujhy qatal kar diya baba
Teri Sakina ko yeh dard kha gaya baba
Tumhari beti ko aata nahi kuch aur nazar
Meri nigah mein phirta hai ab yehi manzar
Tumhari zulfon mein zalim ka hath tha baba
Main kis tarah say bataun woh waqt kaisa tha
Sitam yeh baap pe beti pe aik jaisa tha
Teri tarha say tamancha mujhy laga baba
Jisay pehan kay kaha tha yeh aap nay mujh say
Sakina yeh meri maa nay siya tha mery liye
Tery badan pay woh kurta nahi mila baba
Akeli main nahi dadi bhi sath hain mere
Yeh zakhmi teri mohabbat mein hath hain mere
Main rokti rahi khanjar nahi ruka baba
Jaga nashaib mein day do meri yateemi ko
Chupa lo dhair mein in patharon kay beti ko
Sakina bhool gayi ghar ka raasta baba
Haye meri ghareebi pe karta nahi hai koi nazar
Tumhen to maara hai baba rula rula kay magar
Mujh tou ronay pay bhi milti hay saza baba
Hai qatal gah Sakina ki shaam tak ka safar
Tumhen lagy ga chalaya hay shimr ne khanjar
Galay pay dekho nishan e rasan zara baba
Kamar jhuki hui aankhon mein kam basaarat thi
Jawaan kay lashy pay jaisi tumhari halat thi
Tumhary lashy pay woh mere haal tha baba
Woh qabr mein tou takallum hay ek zamanay say
Magar sadayen yeh ati hain qaid khanay say
Mera rasan mein gala hai bandha hua baba