Ronay kay liye kafi hai Sajjad tera naam

Tu shehanshah e dard hai batla rahi hai sham

Chala bekason ka karwaan beemar logo sarbaan

Hai sang sar e uriyan Shah e lafatah ki betiyaan

Karbobala ke dasht mein barpa hai kohram

Zainab pukari bewatan bhai mera hai bekafan

Kar de usay koi dafan mere hathon mein bandhi rasan

Haye kaise suna ho ga bemar ne paigham

Masturon mein ik mard hai ghairat se chehra zard hai

Karbal ki jami gard hai Zainab ka dil mein dard hai

Rota hai sar jhuka ke karta nahi kalaam

Mushkil thi bari wo ghari darbar mein Zainab khari

Shabir ke lab pe chhari Sajjad ne pehni kari

Darbar e yazeedi ke larze the dar o baam

Kat jatay syedon ke sar Zainab na jati dar badar

Beemar ka tukray jigar rota hai lahu har nagar

Haye manzilon pe tarapna Sajjad tera kaam

Zindan siyah posh hai tanhai ki aagosh hai

Abid kahe na hosh hai dil tuta hai khamosh hai

Ummat ne Sakina ko diya maut ka inam