Rahon mein sarban ko chaoon mili na saya

Betab dhoop mai hai zanjeer ka sataya

Ujray gharon main gunji awaz haye Akbar

Sughra ko jab phuppi nay roo kr galay lagaya

Jana kacheriyon main chuta na bibiyon ka

Aesa kisi adu nay darbar main bulaya

Perdesiyon ki qabron main turbat e Sakina

Kisnay hain phool daly kisny diya jalaya

Zainab kay sar mei ab tak hai rait karbala ki

Rassi nay bazuon mai kala nishan banaya

Pehchan lena Sughra ab apny karwan ko

Is qaflay main bibi koi nahi paraya

Kehtay hein manzilon pe maa'on se ro kay bachay

Ammi watan madina ku ab talak na aya