Qabar mein Ahmad e Mursal ko sataya kis ne 

Fatima Zahra ko darbar bulaya kis ne

Naam na lainay se chup jaye gi tareekh bhala

Jaltay darwazay ko Zahra pe giraya kis ne

Jis ke darwazay pe jhuktay hain malaik aa ke

Uss ki gustakhi ka mansoba banaya kis ne

Hath mein le ke chali Fatima tehreer e Nabi

Chaak karne ke liye hath barhaya kis ne

Aaye Hasnain o Ali haq ki gawahi ke liye

Haq bajanib they tu khamosh karaya kis ne

Almiya bagh e fidak baad Muhammad ke howa

Zeher khaton ke baba ko pilaya kis ne

Jis ki nalain ke sadqay se fehem ho hasil

Uss pe hizyan ki tohmat ko lagaya kis ne

Puch fiyaz faqat itna sitamgar se sawal

Aal e Ahmed pe sitam dhhana sikhaya kis ne