Lutiyan hoyan ridawan koi mor jaway aa kay
لٹیاں ہویاں رداواں کوئی موڑ جاوے آکے
سفراں تے جان بہناں ویراں نوں کفن پا کے
لاشے حسین تے ہائے کردی اے وین زینب
کہندے نے میتوں نہ رو اکبر دا سر ویکھا کے
ویراں دے دردے لے کے پتراں دے زخم سہہ کے
مستوراں بیٹھیاں نے کائنات نوں لٹا کے
بچیا نہ لعل تیرا کیتے قتل بتھیرے
رکھیاں میں ہر نظر توں اکبر بچا بچا کے
آنی نہیں ساڈی منزل لگدا اے ویر مینوں
اینا نے مار دینا عابد ٹرا ٹرا کے
آکھے سکینہ کیویں سینہ دے نال لاویں
اصغر دے نرم تن تو ریتا گرم ہٹا کے
احسان کیتا زینب امت تے مصطفی دی
ھاۓ سڑ دیا خیمیاں چوں سجاد نوں بچا کے
چپ مار گئی اے اونوں زینب تیرے بھرا دی
دریا تے جیڑا لتھیاں بازو قلم کرا کے
توقیر نیوں لبھنا سجاد تیرا آؤ نا
ھائے کالی کوٹھری چوں چھوٹی جی لاش چا کے
Luttiya hoyan ridawan koi mor jaway aa kay
Safran tay janr behna veeran nun kafan pakay
Lashay Hussain tay haye kardi ay vain Zainab
Kehnday nay mainu na ro Akbar sir vikha kay
Weran dey dardey lay kay putran dey zakhm seh kay
Masturan bethiyan nay kainat nu luta kay
Bachiya na lal tera kitay qatal bathairay
Rakhiaan mein har nazar ton Akbar bacha bacha kay
Aani naen sadi manzil lagda ay veer menu
Ina nay mar dena Abid tura tura kay
Akhay Sakina kewein sina day naal lawein
Asghar day narm tan tu reta garam hata kay
Ahsan kita Zainab ummat te Mustafa di
Haye sar diya khaimeyan chun Sajjad nu bacha kay
Chup mar gayi ay onu Zainab teray bhara di
Darya tay jera lathyan bazu qalam kata kay
Touqeer neyun lubhna Sajjad tera ao na
Haye kali kothri chon chhoti ji lash cha kay