Karbala tujhpe jo qurban bahattar kar dey

Zaat e Shabir hai jo tujh ko ujagar kar dey

Zakhm tu dekhna chahe jo kisi barchi ka

Pal mein hazir woh tujhe seena e Akbar kar dey

Mangti khoon hai Nabion se bhi dharti teri

Wohi sabir hai jo kay laal nichawar kar dey

Maut Islam ki hurmal ka agar teer bane

Deen bachane ke liye samne Asghar kar dey

Arsh ke baad faqat tu hi mualla ho ga

Laal Zahra ka tera aisa muqaddar kar dey

Mansab e ghairat e uzma bhi ata usko kare

Naam e Sajjad likhe our musafir kar dey

Kar dua aaye woh Shabbir tere sehra mein

Khon e Sheh rag se jo yeh dasht moattar kar dey

Behar e takmeel e ibadat hai woh Shabbir sakhi

Jhukay sajday mein tu phir sajda e aakhir kar dey

Kitni mazboot balagat hai sar e naiza bhi

Junbash e lab se jo Zainab ko bhi Haider kar dey

Shah e karbal tere dar se hi ataa ho noha

Likhe Adil aur hadh parhne ki Ansar kar dey