Qafla lut gaya amma mera lashkar na raha

Amma nana ki nishani Ali Akbar na raha

Reh gaya dard e kamar haye baradar na raha

Ab khabar aapne li ghar ki ke jab ghar na raha

Aur ab dam e zibha ye poore mere arman karna

Arsh ke neeche na baalon ko pareshan karna

Jao ke na ab dair karo, dekho na amma

Ab laal tera zeen pe hai aur na zameen par

Aap aayi hai amma mai salami ko na utha

Hai dard kaleje may jo uthne nahi deta

Hasrat thi tere pehlu mai dam mera nikalta

Mai chain se sojata tere god me madar

Kuch dair may naize pe rakha hoga mera sar

Na dekhna us waqt mujhe madar-e-muztar

Chal jayega us waqt tere qalb pe khanjar

Ghoray abhi daurenge meri laash ke upar

Mai subh se ta asr uthata raha laashe

Daman may chune Qasim e naushah ke tukray

Lipta Ali Akbar ka kaleja tha sina se

Amma mere chehre pe hai khoon e Ali Asghar

Kis haal may amma hai teri goud ka paala

Maqtal may mera khogaya har ek ujaala

Hai kaun Sakina ko meri poochne wala

Soyegi mere seene pe kaise meri dukhtar

Dekho to qayamt hai bapa ahl e haram may

Khaime se nikal aayi hai Zainab mere gham may

Ab aane ko hai bibiyan bahar koi dam may

Samjhao unhe amma rahe khaime ke andar

Lo saans ukharne lagi dil doob raha hai

Nazron may meri Zainab e muztar ki rida hai

Abid se thi umeed so wo ghash may para hai

Kya hoga mere baad Sakina ka muqaddar

Ay sarwar o rehaan bayan kaise ho manzar

Sheh kehte thay amma ye kada waqt hai mujhpar

Kis tarha kaleje se lagoon aap ke uth kar

Chumoonga qadam aap ke ab mai lab e kausar