Jao Ay Zuljanah
کر کے ہمیں خدا کے حوالے اے ذوالجناح
جاؤ اے ذوالجناح جاؤ اے ذوالجناح
خیموں میں جا کے غم نہ کسی کا بڑھائیو
کیسے میں تیری زین سے اترا چھپائیو
تیروں نے کیسے گھیرا نہ ہرگز بتائیو
دینا میری بہن کو دلاسے اے ذوالجناح
بچپن سے اپنا ساتھ رہا آج کے لیے
چادر میں تھی کھلائی غذا آج کے لیے
تجھ کو تھا میری ماں نے چنا آج کے لیے
آ پہنچے اب جدائی کے لمحے اے ذوالجناح
آنکھوں میں بھر کے آخری دیدار لے کے جا
سجاد کے لیے میری دستار لے کے جا
اب جنگ ختم ہو گئی تلوار لے کے جا
سب ہیں یہاں یہ لوٹنے والے اے ذوالجناح
دل کا ایک اور درد سناتا ہوں میں تجھے
آئے وہ وقت جب کہ تو اعلان یہ سنے
لوٹو تبرکات علی و بتول کے
چادر میری بہن کی بچا لے اے ذوالجناح
جاؤ تمہارے صبر سے آگے کی بات ہے
تسکین میرے دل کی جو زہرا صفات ہے
غم جس کے ہیں زیادہ تو تھوڑی حیات ہے
کھائے گی وہ سکینہ تماچے اے ذوالجناح
اب تیرے امتحان کا قصہ تمام ہے
مقتل میں زیر تیخ جو سجدے کا کام ہے
اب اس پہ میرے ساتھ میری ماں کا نام ہے
سجدے کہ بس یہی ہیں تقاضے اے ذوالجناح
اے جاں نثار تیری وفا کے جہاں نثار
تو ایک بچانے والا تو ظالم کئی ہزار
اور اس پہ فکر بن گئی یہ میرے دل کا بار
میری طرح ہو تم بھی تو پیاسے اے ذوالجناح
القصہ جون شہ نے کہا اسپ باوفا
تیری تڑپ سمجھ نہیں سکتے یہ بخدا
ہوں گے نہ باز قتل سے میرے یہ اشقیا
کب تک یہ تیر روک سکو گے اے ذوالجناح
Kar kay humein Khuda ke hawalay ay zuljanah
Jao ay zuljinah jao ay zuljanah
Khaimon mein ja ke gham na kisi ka barhaiyo
Kaisay main teri zeen se utra chupaiyo
Teeron ne kaisay ghaira na hargiz bataiyo
Dena meri behan ko dilasay ay zuljanah
Bachpan se apna sath raha aaj kay liye
Chadar mein thi khilayi ghiza aaj kay liye
Tujh ko tha meri maa ne chuna aaj kay liye
Aa pohanchay ab judayi kay lamhey ay zuljanah
Aankhon mein bhar ke aakhri dedar le ke ja
Sajjad ke liye meri dastar le ke ja
Ab jang khatam ho gayi talwar le ke ja
Sab hain yahan ye lootney walay ay zuljanah
Dil ka ik aur dard sunata hoon main tujhey
Aaye woh waqt jab ke tu aylan ye sunay
Luto tabarkaat Ali o Batool kay
Chadar meri behan ki bacha le ay zuljanah
Jao tumharey sabr se aagay ki baat hai
Taskeen mere dil ki jo Zahra sifaat hai
Gham jis kay hain zyada tou thori hayat hai
Khayegi wo Sakina tamanchay ay zuljanah
Ab tere imtehan ka qissa tamam hai
Maqtal mein zair e taig jo sajday ka kaam hai
Ab us pe mere sath meri maa ka naam hai
Sajday kay bas yehi hain taqazay ay zuljanah
Ay jaan nisar teri wafa kay jahan nisar
Tu ik bachaney wala tou zalim kayi hazar
Aur us pe fikar ban gayi ye mere dil ka bar
Meri tarhan ho tum bhi tu pyasay ay zuljanah
Al qissa jaun Sheh ne kaha asp e bawafa
Teri tarap samajh nahi saktay ye ba Khuda
Honge na baaz qatal se mere ye ashqiya
Kab tak yeh teer rok sako gay ay zuljanah