Har saans matami ki Shabbir tere naam
ہر سانس ماتمی کی شبیرؑ تیرے نام
اللہ کر رہا ہے مولاؑ تجھے سلام
آیات کر رہی ہے مولاؑ تیری تلاوت
ہے دینِ مصطفیٰؐ کی ضامن تیری شہادت
جو کرنا پایا کوئی تو نے کیا وہ کام
چھ ماہ کی امانت رن میں چُھپائی تو نے
جلتی ہوئی زمیں پہ تُربت بنائی تو نے
تیغِ علیؑ سے مولاؑکیسا لیا ہے کام
مَل کر وضو کی خاطر چہرے پر خونِ اصغرؑ
بے جا نمازیوں کی رن میں صفیں بچھاکر
شبیرؑ کر رہے ہیں سجدے کا اہتمام
گھر لُٹ گیا ہے سارا بیٹے بچے نہ بھائی
نوکِ سِنا سے دیکھی بہنوں کی بے ردائی
تجھ پر ہوئی ہے مولاؑ مظلومیت تمام
کیسا محبتوں میں تقسیم ہوگیا ہے
بیٹے کے ساتھ لاشہ رن میں پڑا ہوا ہے
نیزے پر سر گیا ہے بیٹی کے ساتھ شام
کرب و بلا سے پیدل پُر خوار راستوں پر
آئے گا روز ملنے غازیؑ کو ساتھ لے کر
جب تک کریں گی زینبؑ زندان میں قیام
میرا بنے ٹھکانہ کرب و بلا کی جنت
ہر دم ہے یہ تکلمؔ مومن کے دل کی حسرت
میں بھی کفن نہ پاؤں اے بے کفن امام
Har saans matami ki Shabbir tere naam
Allah kar raha hay maula tjhay salam
Aayat kar rhi hain maula teri tilawat
Hay deen e Mustafa ki zamin teri shahadat
Jo kar na paya koi tu ne kiya wo kaam
6 maah ki amanat rann me chupayi tu ne
Jalti hui zameen pe turbat bnayi tu ne
Tegh e Ali se maula kesa liya hay kaam
Mal kar wazu ki khatir chehray par khoon Asghar
Be jaa namazion ki rann me safein bicha kar
Shabbir kar rahay hain sajday ka ehtemam
Ghar lutt gaya hay sara betay bachay na bhai
Nok e sina se dekhi behno ki be ridayi
Tujh par hui hay maula mazloomiyat tamam
Kesa muhabbaton me taqseem hogaya hay
Betay kay sath lasha rann me para hua hay
Naizay par sar gaya hay beti kay sath sham
Karbobala se paidal pur khuar raston par
Ayega roz milnay Ghazi ko sath le kar
Jab tak krengi Zainab zindaan me qayam
Mera banay thikana karbobala ki jannat
Har dum hay ye takallum momin kay dil ki hasrat
Mai bhi kafan na paun ay be kafan imam