Halchal hay fauj e shaam me Abbas atay hain

Teeron pe teer naizon pe naizay chalaty hain

Kya waqt parr gaya hay Muhammad ki aal par

Chadar nahi hay baalon se mu ko chhupatay hain

Asghar ko maa chhupati hay jhuk jhuk kay goud me

Khaimo'n ko torr torr kay jab teer atay hain

Dil pani pani hota hay bachon ki pyas se

Sookhi zubaan honton par Asghar phiraty hain

Ghoray doraye shaam kay lashkar jo atay hain

Kam umr bachay khaimon me ghabraye jatay hain

Dunya ko de diya hay sabaq ye Hussain ne

Raah e khuda me is tarhan sar ko kataty hain

Allah re sabar sayed e waala ka dekhiye

Rann me jawan betay ka laasha uthaty hain

Jis waqt ye suna kay mai marti hun pyas se

Mashkeeza le haathon me Abbas jatay hain