Ghar laut kay ghar me pehla diya kis tarhan jalaya Zainab ne
گھر لوٹ کے گھر میں پہلا دیا کس طرح جلایا زینبؑ نے
بس آہ بھری اور گُھٹ گُھٹ کے بیٹوں کو پکارا زینبؑ نے
پھر کوئی ہوک اُٹھی دل سے پھر شامِ غریباں یاد آئی
حجروں میں عونؑ و محمدؑ کے دیکھا جو اندھیرا زینبؑ نے
کس طرح سے زینبؑ اور صغراؑ اک دوسرے کو پہچانے گی
صغراؑ کے بال سفید ہوئے کیا کالا جوڑا زینبؑ نے
غش آنے سے پہلے دونوں نے اک دوجے کو بس تھام لیا
صغراؑ نے جو دیکھا زینبؑ کو، صغراؑ کو جو دیکھا زینبؑ نے
اک شور اُٹھا اجڑے گھر میں ہائے اکبرؑ ہائے اصغرؑ
صغراؑ نے سنبھالا زینبؑ کو ، صغراؑ کو سنبھالا زینبؑ نے
بھائی کی یاد میں جیتے جی آنکھوں سے بہایا اک دریا
بیٹوں کی یاد میں جیتے جی آنسو نہ بہایا زینبؑ نے
نبیوںؑ کی وراثت کے وارث کی امانت دار بہن تھی نویدؔ
توحید کے بار کو شانوں پر تنہا ہی اُٹھایا زینبؑ نے
Ghar laut kay ghar me pehla diya kis tarhan jalaya Zainab ne
Bas aah bhari aur ghut ghut kay beton ko pukara Zainab ne
Phir koi hook utthi dil se phir shaam e ghareeban yaad ayi
Hujron me Aun o Muhammad kay dekha jo andhera Zainab ne
Kis tarhan se Zainab aur Sughra ik dusray ko pehchanengi
Sughra kay baal safaid hue kiya kaala jora Zainab ne
Ghash anay se pehly dono ne ik doojay ko bas thaam liya
Sughra ne jo dekha Zainab ko Sughra ko jo dekha Zainba ne
Ik shor utha ujray ghar me haye Akbar haye Asghar
Sughra ne smbhala Zainab ko Sughra ko smbhala Zainab ne
Bhai ki yaad me jeetay jee aankhon se bahaya ik darya
Beton ki yaad me jeetay jee ansu na bahaya Zainab ne
Nabion ki waris kay waris ki amanatdaar behen thi naved
Tauheed kay baar ko shaanon par tanha hi uthaya Zainab ne