Chand qadmon se Sakina ne ye manzar dekha

Shimr ka baba pe chalta hua khanjar dekha

Khaak pe girti rahi bachi dehekty rann me

Baap ki zulfon me jab dast e sitamgar dekha

Zulm tou ye tha qatal karne se pehly usne

Maar kar beti ko Shabbir ko hans kar dekha

Tera zarbon say ziada Hussain tarpay jab

Shimr kay zulm say neela rukh e dukhtar dekha

Rok le haath ko shayad wo na phir waar karay

Sheh ki gardan pe galaa beti ne rakh kar dekha

Jis jagha chain say soti rahi woh yasrab main

Chalni teeron say Sakina nay woh bistar dekha

Dur tak bibi nay dorai then apni nazrain

Na kaheen Ghazi nazar aae na Akbar dekha

Pehli zarbat se jo aya tha Shah ki sheh rag pe

Zakhm wo pehla Sakina kay jigar par dekha

Baap par chalti hui dekhen jo zarbain mohsin

Aik masooma nay karbal main yun mehshar dekha