Chaand nikla hay muharram ka tou tanha Sughra

Dekh kar roti hay bemar sar e raah Sughra

Jab nikalta hay muharram me tou sab rotay hain

Aik bemar nazar ati hay tanha Sughra

Tere charhnay se ujar jaega ghar Zehra ka

Aaj chhup ja tujhay kehti hay ye dukhiya Sughra

Sham dhhalti hay tou ajatay hain panchhi ghar ko

Deti veeran gharon se hay ye sada Sughra

Jis tarhan bichhri hun mai aur na bichhray koi

Karti nana se hay ro ro kay ye shikwa Sughra

Puchta hay koi Sughra se ro deti hay

Kyun na aya tera Akbar zara batla Sughra

Dil me hay aik tamanna kay milay Akbar se

Raat din karti hay rauzay pe ye dua Sughra

Aas bhi toot gayi saans bhi ukhri meri

Haye kab dekhygi Akbar tera chehra Sughra

Na mila baba na bhaiyya kabhi sardar jisay

Seh gayi kis tarhan har gham ki inteha Sughra