Bolay padar se akbar barchi na khenchna
بولے پدر سے اکبر برچھی نہ کھینچنا
ہے جان اب لبوں پر برچھی نہ کھینچنا
بابا نظر کو پھیر لو دم ٹوٹنے لگا
برچھی کے پھل سے خون ہے دل کا رُکا ہوا
اُبلے گا خوں زمین پر برچھی نہ کھینچنا
میں نے تمہیں بُلایا تھا تا کہ میں کہہ سکوں
بالکل نہ غم کرو میرے دل کو ہے اب سکوں
بیٹھے رہو یہاں مگر برچھی نہ کھینچنا
اماں کو یہ خبر نہ ہو میرے سِناں لگی
غش آ گیا ہے بس ذرا شدت تھی پیاس کی
میں آ رہا ہوں جائو گھر برچھی نہ کھینچنا
بولے حسین باپ کو بہلا رہے ہیں آپ
معلوم ہے کے یہاں سے کہاں جا رہے ہیں آپ
کہتے ہو منہ کو پھیر کربرچھی نہ کھینچنا
سانسیں اُکھڑ رہی ہیں تو مدہم ہے نبض بھی
کرتے ہو آہ ہم کو ہے تاکید صبر کی
کہتے ہو تھام کے جگر برچھی نہ کھینچنا
اکبر پُکارے باپ سے دل کو سنبھالیئے
ٹوٹی سِناں کلیجے میں رہنے ہی دیجیئے
نکلے گا ساتھ میں جگربرچھی نہ کھینچنا
مولا نے یا علی کہا دل کو سنبھال کر
پھر خود ہی لڑکھڑا گئے برچھی نکال کر
کہتا رہا جواں پسربرچھی نہ کھینچنا
ریحان ساتھ برچھی کے دل بھی نکل پڑا
پڑھتے رہے حسین بھی تا دیر مرثیہ
ماں کہتی آئی ننگے سربرچھی نہ کھینچنا
Bolay padar se Akbar barchi na khenchna
Hai jaan ab labon par barchi na khenchna
Baba nazar ko phayr lo dum tootne laga
Barchi ke phal se khoon hai dil ka ruka hua
Ublega khoon zameen par barchi na khenchna
Maine tumhay bulaaya tha taake mai keh sakun
Bilkul na gham karo mere dil ko hai ab sukoon
Baithe raho yahan magar barchi na khenchna
Amma ko ye khabar na ho mere sina lagi
Ghash aagaya hai bas zara shiddat thi pyas ki
Mai aa raha hun jao ghar barchi na khenchna
Bolay Hussain baap ko behla rahe hain aap
Maloom hai ke yan se kahan ja rahe hain aap
Kehte ho mu ko phayr kar barchi na khenchna
Saansein ukhar rahi to madham hai nabz bhi
Karte ho aah humko hai taqeed sabr ki
Kehte ho thaam ke jigar barchi na khenchna
Akbar pukare baap se dil ko sambhaliye
Tooti sina kaleje may rehne hi dijiye
Niklega saath may jigar barchi na khenchna
Maula ne ya Ali kaha dil ko sambhaal kar
Phir khud hi larkhara gaye barchi nikaal kar
Kehta raha jawan pisar barchi na khenchna
Rehan saath barchi ke dil bhi nikal para
Parhte rahe Hussain bhi ta dayr marsiya
Maa kehti aayi nange sar barchi na khenchna