Bain karta hua khaak urata huaa tashna lab be rida lo chala qafla
بین کرتا ہوا خاک اُڑاتا ہوا تشنہ لب بے ردا لو چلا قافلہ
سُن کے شورِ فغاں ایک کہرام ہے بر سرِ کربلا لو چلا قافلہ
رسمِ پردہ گری جس کے گھر سے چلی شاہ زادی وہی بے ردا ہو گئی
مر نہ جائے کہیں غم سے بنتِ علیؑ ہائے اب ہو گا کیا لو چلا قافلہ
اپنی صورت دکھا دومجھے میری جان پھر خدا جانے آنا ہو یا کہ نہ ہو
آؤ اکبرؑ اُٹھو ہم کو رخصت کرو ماں نے رو کے کہا لو چلا قافلہ
ثانیٔ فاطمہؑ بنتِ شیرِ خدا کیسے بازار میں جائے گی بے ردا
کیسے طے ہو گا وہ شام کا راستہ رو رہی ہے فضا لو چلا قافلہ
پیار سے جس کو پالا تھا شبیرؑ نے اسکو جکڑا گیا طوق و زنجیر سے
راہِ پُر خار پر پا برہنہ سفر کیسے ہو گا بھلا لو چلا قافلہ
راکھ خیمے ہوئے سب اثاثہ لُٹا بے سہارا پیمبرؐ کا کُنبہ ہوا
شامِ غربت کے قیدی چلے شام کو لے چلے اشقیا لو چلا قافلہ
ہیں نبی زادیاںؑ سر کھلے بے ردا کیا غضب ہو گیا کیا ستم ہو گیا
بے کجاوہ سواری اور آلِ عباؑ شورِ ماتم اُٹھا لو چلا قافلہ
جنکی چاہت پہ کونین کو ناز ہے جسکا ثانی زمانے میں کوئی نہیں
چاہنے والے وہ بھائی اور وہ بہن ہو رہے ہیں جدا لو چلا قافلہ
چار جانب سے یہ آرہی ہے صدا الوداع الوداع الوداع الوداع
اپنے پیارو کے لاشوں سے ہو کر جدا خون روتا ہوا لو چلا قافلہ
حال اُس وقت کا کیسے گوہرؔ لکھے دیکھ کر سوئے مقتل سبھی رو دیئے
سب شہیدوں کے لاشے تڑپنے لگے جب یہ آئی صدا لو چلا قافلہ
Bain karta hua khaak urata huaa tashna lab be rida lo chala qafla
Sun kay shor o fughan aik kohram hay bar sar e karbala lo chala qafla
Rasm e parda gari jis kay ghar se chali shahzadi wahi berida hogyi
Marr na jae kaheen gham se bint e Ali haye ab hoga kya lo chala qafla
Apni surat dikha do mujhay meri jaan phir khuda janay aana ho ya kay na ho
Ao Akbar utho hum ko rukhsat kro maa ne ro kay kaha lo chala qafla
Sani e Fatima bint e sher e khuda kese bazar me jaegi be rida
Kese tey hoga wo shaam ka rasta ro rahi hay fiza lo chala qafla
Pyar se jisko paala tha Shabbir ne isko jakra gaya tauq o zanjeer se
Raah e pur khuar par pa barehna safar kese hoga bhala lo chala qafla
Raakh khaimay hue sab asasa luta hay sahara Payambar ka kunba hua
Shaam ghurbat kay qaidi chalay sham ko le chalay ashqiya lo chala qafla
Hain nabi zaadiyan sar khulay be rida kya ghazab hogaya kya sitam hogaya
be kajawa sawari aur aal e aba shor matam utha lo chala qafla
Jinki chahat pe konain ko naaz hay jiska sani zamanay me koi nahi
Chahnay walay wo bhai aur wo behen horhy hain judaa lo chala qafla
Chaar janib se ye arhi hay sada alvida alvida alvida alvida
Apnay pyaron kay lashon se ho kar juda khoon rota hua lo chala qafla
Haal is waqt ka kese gohar likhay dekh kar suay maqtal sabhi ro diya
Sab shaheedon kay lashay tarapnay lagay jan ye ayi sada lo chala qafla