Ikees ki shab aakhri saanson ka hai qissa

Aulaad ko hasrat se Ali maula ne dekha

Dil phatnay laga dekha jo Zainab ne ye girya

Maula ne tarapty hue Ghazi ko pukara

Bolay kay ay Abbas bhalay jaan lutana

Ye hukm mera aakhri dam tak na bhulana

Baba ki wasiyat hai isay dil mein basa le

Ghazi meri Zainab ki rida tere hawalay

Abbas tum ab uski rida ban kay dikhana

Kurtay tere jisne hain bari der smbhaalay

Zainab kay kabhi naqsh e qadam dekho tou Ghazi

Sooraj se bhi kehna kay nazar apni hata le

Shabbir se Zainab ko bicharnay nahi dena

Zahra ne ye dono hain baray naaz se paalay

Zainab ne suna ro kay kaha baba ne Ghazi

Zanjeer na Zainab kay koi haath me daalay

Zainab ne kaha baba mere Ghazi kay hotay

Jurat hai kisay koi mujhe qaidi bana le

Maula ne kaha waqt badal jatay hain beti

Ehsas nahi kartay kabhi lootnay walay

Ghazi ne kaha jaun mein tab tak hun muhafiz

Jab tak ye mere baazu koi kaat na daaley