Ayi hay teer ban kay Asghar ki maut haye

Jibrael taan de par maa dekhny na paye

Maula smbhaal lena Asghar ko baazu me

Paikaan ki zad se bacha hathon se girr na jae

Asghar ne teer kha kar kuch dudh ugal diya tha

Aur hichkion ka aalam mazloom kya btaye

Sham e ghareeban ayi par ghar na aye Asghar

Abbas ko bulao Asghar ko ja kay laye

Maa dekh na sakaygi tutay hue gulu ko

Shabbir islye na Asghar ko sath laye

Asghar tou khelty hain mitti ka ghar bana kar

Jhoola para hay khali daayi kisay jhulaye

Heraan bibiyan hain takti hain Shah kay mu ko

Kesa khizab rukh par Shabbir hain lgaye

Munkir hay asmaan bhi inkar hay zameen ko

Shabbir khoon e Asghar ko ab kahan giraye

Bikhri pari hain lashen aur raat ka andhera

Aese me koi kese nanhi si laash paye

Pani diya jo maa ne nikli kahan Sakina

Piyasa hay chota bhai pehly usay pilaye

Umme Rubab maula atay hain haath khali

Shayad teri amanat maqtal me chhor aye

Asghar ki maut ka sab maa puchti hay manzar

Shabbir kis tarhan se wo maajra sunaye