Ayi hay teer ban kay Asghar ki maut haye
آئی ہے تیر بن کر اصغرؑ کی موُت ہائے
جبریلؑ تان دے پر ماں دیکھنے نہ پائے
مولاؑ سنبھال لینا اصغرؑ کو بازوں میں
پیکاں کی زد سے بچہ ہاتھوں سے گر نہ جائے
اصغرؑ نے تیر کھا کر کچھ دودھ اُگل دیا تھا
اور ہچکیوں کا عالم مظلومؑ کیا بتائے
شامِ غریباں آئی پر گھر نہ آئے اصغرؑ
عباسؑ کو بُلاؤ اصغرؑ کو جاکے لائے
ماں دیکھ نہ سکے گی ٹوٹے ہوئے گلو کو
شبیرؑ اِس لیئے نہ اصغرؑ کو ساتھ لائے
اصغرؑ تو کھیلتے ہیں مٹی کا گھر بنا کر
جھولا پڑا ہے خالی دائی کسے جھولائے
حیران بیبیاںؑ ہیں تکتکی ہیں شاہؑ کے مُنہ کو
کیسا خصاب رُخ پر شبیرؑ ہیں لگائے
مُنکر ہے آسماں بھی انکار ہے زمیں کو
شبیرؑ خونِ اصغرؑ کو اب کہاں گرائے
بکھری پڑی ہیں لاشیں اور رات کا اندھیرا
ایسے میں کوئی کیسے ننھی سی لاش پائے
پانی دیا جو ماں نے نکلی کہاں سکینہؑ
پیاسا ہے چھوٹا بھائی پہلے اُسے پلائے
اُمِ رُبابؑ موُلاؑ آتے ہیں ہاتھ خالی
شاید تیری امانت مقتل میں چھوڑ آئے
اصغرؑ کی موُت کا سب ماں پوچھتی ہے منظر
شبیرؑ کس طرح سے وہ ماجرا سُنائے
Ayi hay teer ban kay Asghar ki maut haye
Jibrael taan de par maa dekhny na paye
Maula smbhaal lena Asghar ko baazu me
Paikaan ki zad se bacha hathon se girr na jae
Asghar ne teer kha kar kuch dudh ugal diya tha
Aur hichkion ka aalam mazloom kya btaye
Sham e ghareeban ayi par ghar na aye Asghar
Abbas ko bulao Asghar ko ja kay laye
Maa dekh na sakaygi tutay hue gulu ko
Shabbir islye na Asghar ko sath laye
Asghar tou khelty hain mitti ka ghar bana kar
Jhoola para hay khali daayi kisay jhulaye
Heraan bibiyan hain takti hain Shah kay mu ko
Kesa khizab rukh par Shabbir hain lgaye
Munkir hay asmaan bhi inkar hay zameen ko
Shabbir khoon e Asghar ko ab kahan giraye
Bikhri pari hain lashen aur raat ka andhera
Aese me koi kese nanhi si laash paye
Pani diya jo maa ne nikli kahan Sakina
Piyasa hay chota bhai pehly usay pilaye
Umme Rubab maula atay hain haath khali
Shayad teri amanat maqtal me chhor aye
Asghar ki maut ka sab maa puchti hay manzar
Shabbir kis tarhan se wo maajra sunaye