Ay mere Aun o Muhammad haq pe marna hay tumhen

Bhai pe Syeda ne sadqa aaj karna hay tumhen

Har Nabi dekhyga maqtal me tmhari jangg ko

Daad dy har ik Nabi bas aesa larna hay tumhen

Dhaegi aese mazalim tum pe fauj e ashqiya

Tukray tukray ho kay maidan me bikharna hay tumhen

Jitna milna hay tumhen jee bhar kay mil lo galay

Zindagi bhar kay liye bas ab bicharna hay tumhen

Piyas kausar par bujhy pehly na pani dekhna

Saqi e kausar ne khud seraab karna hay tumhen

Bolay amma se asad sun kar naseehat ye delayr

Maa hamari maut par bas shukr karna hay tumhen