Amma mujhay zindaan kay andheray se bacha lo

Baba nahi aengy kaleje se laga lo

Mai khaak pe bethi hun koi paas nahi hay

Lillah koi neher se ammun ko bula lo

Dikhta nahi zindaan me andhera hay har ik su

Girti hun jidhar jati hun mujhy aa kay smbhalo

Mar jaungi ro ro kay mujhay iski khabar hay

Is qaid e musalsal se mujhay aa kay nikalo

Ik roz hua shor sada hogyi khamosh

Awaz ye goonji sar e Shabbir hata lo

Ro ro kay kaha Abid e bemar ne baba

Nanhi si qabar aa kay Sakina ki bana lo