Aik dard ki kainaat hai Sajjad ke dil mein

Ghairat ki har ik baat hai Sajjad ke dil mein

Naizon pe barati they or sang tha dulha

Dulhan ki aseeri ko salaar na bhula

Qasim ki woh baraat hai Sajjad ke dil mein

Shabir ke lashay pe beemar jo aaya

Kar zulm laeeno ne lashay se uthaya

Woh dafan mulaqaat hai Sajjad ke dil mein

Sadmon ki chatanon ko seene se lagaya

Phir ashkoon ke pani ko haye khoon banaya

Kya quwat e jazbaat hai Sajjad ke dil mein

Hairat se kabhi dekhey darbar ke dar ko

Ghairat se kabhi dekhey Abbas ke sar ko

Haye malik e furat hai Sajjad ke dil mein

Paband e salasal bhi johar woh dikhata

Zainab ka tu saya bhi darbar na jata

Khamosh koi zaat hai Sajjad ke dil mein

Zindaan mein Sakina jo baba ko bulaye

Masooma ke rone ki aawaz rulaye

Adil woh siyah raat hai Sajjad ke dil mein