Aik baar aur mjhy goud me le lo baba

Wa Hussaina ka hua shorr haram me barpa

Ho kay rukhsat jo chalay ghar se Shah e karbobala

Jorr kay nannhay se haathon ko Sakina ne kaha

Tum na aogy tou baba mai bht roungi

Kis kay seenay pe bta dijiye mai so'ungi

Na tou bhaiyya Ali Akbar hain na Abbas chacha

Mai smjhti hun kay yunhi mjhy behlaty ho

Baba maloom hay marnay k liye jatay ho

Tum hamesha kay liye hotay ho ab hum se judaa

Sochti hun kay tamachay mjhy maray na koi

Goshwaray mere kaano se utaray na koi

Wehm atay hain mere dil me najany kya kya

Ab na piyasi hun na pani ki zarurat hay mjhy

Koi hajat nahi bas itni si hasrat hay mjhy

Dekhlun aaj me jee bhar k tmhara chehra