Agayi Bint e Ali be rida haath bandhay bharay bazaron me

Jisne suraj na kbhi dekha tha

Ro rhi hay wo gunahgaaron me

Kaun janay k ye hain kaun rasan pehnay hue

Be rida roti hay Sajjad k peechay chhup kr

Siskiyan doobi hain jis bibi ki

Haye zanjeer ki jhankaron me

Haye Zehra teri kismat na mila haq tjhko

Aesi tazeem teri ki hay musalmano ne

Tera haq mangny ayi Zainab

Aik meh nosh k darbaron me

Kahan Zainab aur kahan sham me logon ka hujum

Sar barehna unchi awaz me khutbay prhna

Zikr e Mursil ka hawala de kr

Chadaren maangna badkaaro'n me

Aag khaimon ko lagi aur thay Sajjad behosh

Ro ro Abbas ko deti thi sadaein Zainab

Loot lo chadaren Syedanion ki

Shor barpa tha sitamgaaron me

Kis tarhan baali Sakina aaj baba k baghair

Sogyi chen se tanhayi me rotay rotay

Hichkiyan dab gyeen Masooma ki

Haye zindaan ki dewaaron me

Jis jagah majlis e Shabbir ho barpa Akhtar

Chor kar baqaiyya wahan roti hay Zehra aa k

Baal kholay hue sar peet'ti hay

Apnay pyaron k azadaron me