Abid smbhal smbhal kay qadam rkh rhy hain yun

Paon ukhar na jaen kaheen kainaat kay

Har gaam pr hayat ko asaan bna diya

sham e abad ko subhe azal se mila diya

salar karwaan ne andheray me raat kay

Jhoolay ki raakh sar pe uraty hue chalay

Asghar ko isharon me sulaty hue chalay

qurban jaun maula teri mushkilaat kay

Tutayga kese azm e Shehenshah e karbala

Sajjad gar sipar hay tou Zainab hay hosla

tukray yahan hue hain yazeedi bisaat kay

Ay shimr bad nehaad o bad anjaam o bad gumaan

masoom ka lahu hay na jaega raigaan'n

rastay dikahega ye jahan ko nijaat kay

Boli Sakina bhaiya zara paas aeye

baqi hay aur kitna safar kch btaeye

kyun khauf barh rhy hain mjhy haadsaat kay