Abid ki beriyon ne kohram machaya hay

Sabr o raza ka paikar Sajjad bataya hay

Sar nangay bebiyan hain aur sham ka safar bazar ka safar

Baalon se bibiyon ne mu apna chhupaya hay

Bemar kay ashkon ne tareekh raqam krdi

Tauq e giraa'n pehen kr islam bachaya hay

Sajjad se Sakina ro ro k keh rhi thi

Qismat ne humko bhaiyya bazar dikhaya hay

Aah o fughan me lipti masoom sadaon ne

Pardes me ro ro k haye arsh hilaya hay

Zinda Zameer walay Sabir jo ro rhy hain

Lagta hay beriyon ka ab soug manaya hay