Masjid e kufa se le kar taa ba khaak e karbala

Qatl sajdoon mein howa hai Mustafa ki Aal ka

Abbas kay baba ki jabeen khoon se tar hai

Dooba hua gham mein bani hashim ka qamar hai

Abbas ke chehray pe hain Zainab ki nigahein

Ye puchti hon jaisay mera baba kidhar hai

Aa pohanchi hai Zahra ki shahadat bhi Ali tak

Kufay pe bhi lagta hai Madine ka asar hai

Kal beti pe barsenge in hi galiyon mein pathar

Jin galiyon se baba kay janazay ka guzar hai

Kis tarhan se ab jeena hai yeh puch lo Zainab

Kufay kay yateemon ko yateemi ki khabar hai

Naqa pe liye jatay hain taboot Ali ka

Humrah e pidar aakhri beton ka safar hai

Phaila hua maabud hi ka khoon hai Akbar

Jis khoon se rangeen hua maabud ka ghar hai