Ab to Ajao shehanshah e wafa

Ro ro kehti thi Sakina ran me

lutt gyi Sani e Zehra ki rida

Shimr ne maray tamache hain mere gaalon pe

jhirkiyan de kay uthaya hay mjhy

Baba ki laash pe ronay na diya

Cheen kar sbki ridaen aur jalaye khaimay

aese luta hay musalmano ne

Na kiya Aal e Muhammad ka haya

Tumko Abbas ki taqat pe bharosa tha bht

qaid honay se bachaye tumko

Aa kay ye shimr ne Zainab se kaha

Sham janay kay liye qafla tayar hay jo

un me aik raat ki biyahi hay khari

Haath se utra nahi hay rangg e hina

Tor di maar kay Akbar kay jigar me barchhi

aur sitamgar ne kaha maula se

Ye suna hay kay tu sabir hay bara

Sahib ul Asr ye alfaz ada krtay hain

koi khoobi nahi ye Akhtar ki

Is kay nohon me hay Zehra ki dua